ရေနံချေး (oil dregs) သုတ်တာနဲ့ ခြ termite တွေကို နိုင်ပြီလား ?
ခြ termite တွေ ပြေးမလားလို့ သုတ်မိတာ ရေနံချေးကုန်တာပဲ အဖတ်တင်ပါလိမ့်မယ်။ တကယ်က ခြ (termite) နဲ့ ရေနံချေး (oil dregs) ဘာမှ မဆိုင်ပါဘူးခင်ဗျာ။ ဘယ်လိုပစ္စည်းသားကိုမဆို ဖောက်ထွက်နိုင်တဲ့ခြအတွက် ရေနံချေးက တကယ်ထိထိရောက်ရောက် မဟန့်တားနိုင်ပါဘူး။
ခြင်ဆေးခွေအနံ့ကို ခံနိုင်ရည်ရှိလာတဲ့ ခြင်တွေလိုပဲ၊ အချိန်ကြာလာတာနဲ့အမျှ ရေနံချေးကို ခံနိုင်ရည်ရှိလာတဲ့ ခြတွေ ဖြစ်လာတာမို့ ရေနံချေးသုတ်လည်း မထူးပါဘူး။ ပြီးတော့ ရေနံချေးမထိတဲ့နေရာအထိလည်း ရှောင်ကွင်းပြီး ကွက်စားသွားနိုင်ကြပါတယ်။ သစ်သားဆို မျက်နှာပြင်ကနေ မမြင်ရအောင် အတွင်းလှိုက်စားတတ်တဲ့ ခြတွေအတွက် အပေါ်ယံက ရေနံချေးက တကယ်မတားနိုင်ပါဘူး။
အဆိုးဆုံးကတော့ ရေနံချေးရဲ့ အနံ့နဲ့ ပါဝင်ပစ္စည်းတွေက လူနဲ့ သဘာဝပတ်ဝန်းကျင်ကို ကောင်းကျိုးမပေးတာမို့ ခြတွေမျိုးမသုဉ်းခင် မိမိတို့ ကျန်းမာရေးက အရင်ထိခိုက်သွားနိုင်ပါတယ်။ အဆောက်အဦးမျက်နှာပြင်တွေပေါ် ရေနံချေးကို တိုက်ရိုက်သုတ်ရင် ပျက်စီးယိုယွင်းမှု ဖြစ်လွယ်စေပါတယ်။ ခြစားလို့ မပြိုပျက်ခင် ရေနံချေးသုတ်တာက အရင် တရားခံဖြစ်လာတတ်ပါတယ်။
“ခြမတက်အောင် ရေနံချေးသုတ်ပါ” လို့ ပိုးမွှားနှိမ်နှင်းရေး လုပ်ငန်းတွေက အကြံမပြုသလို ရေနံချေးက ခြ termite ကို နိုင်တယ်ဆိုတဲ့ သိပ္ပံနည်းကျ သက်သေပြချက်တွေလည်း မရှိသေးပါဘူး။ ဒါကြောင့် ပိုက်ဆံအကုန်ခံ၊ ဘေးဥပါဒ်ဖြစ်ခံပြီး ရေနံချေး (oil dregs) သုတ်မယ့်အစား ခြ termite ပြဿနာဖြေရှင်းဖို့ ကျွန်တော်တို့နဲ့ လာရောက်ဆွေးနွေးလိုက်ပါ။
Copyright by Green Pest Management
