ဂျာမန်ပိုးဟပ် (German Cockroach) တွေရဲ့ ပြဿနာ (၄) ခု
ကျွန်တော်တို့ပတ်ဝန်းကျင်မှာ အများဆုံး မြင်တွေ့ရတဲ့ ပိုးဟပ်မျိုးစိတ်တစ်ခုကတော့ ဂျာမန်ပိုးဟပ် German Cockroach ပါပဲ။ ဒါက လူမျိုးရေးခွဲခြားတဲ့ စကားလုံးတစ်ခုတော့ မဟုတ်ပါဘူး။ မျိုးစိတ်ခွဲပညာရှင် Linneus ကိုယ်တိုင် ဂျာမနီက နမူနာကနေ ယူပြီး အမည်ပေးခဲ့လို့ တွင်သွားတာလို့ သိရပါတယ်။ သိပ္ပံနာမည်ကိုက Blattella Germanica ဖြစ်ပါတယ်။ ဂျာမန်ပိုးဟပ်တွေရဲ့ ပြဿနာက လူတွေနဲ့ နီးနီးစပ်စပ် ရှင်သန်ချင်ကြတာပါ။ အစာရေစာပေါတဲ့ မီးဖိုချောင်၊ စားသောက်ဆိုင်နဲ့ ဂိုဒေါင်လိုနေရာတွေမှာ ကျက်စားပေါက်ပွားပါတယ်။
သူတို့က ပြဿနာ (၄) ခုပေးပါတယ်။
(၁) မျိုးပွားနှုန်း အရမ်းမြန်တာ
ဂျာမန်ပိုးဟပ် (German Cockroach) ကျပြီဆို ကောင်ရေတိုးတာ တအားမြန်တော့ လျှော့တွက်မိရာကနေ ဆုံးရှုံးမှုတွေ ပိုများစေပါတယ်။ တချိန်တည်းမှာ ဘိုးဘေးဘီဘင် မျိုးဆက် ၆ ဆက်အထိ တူတူရှင်သန်နိုင်ကြပါတယ်။ ဒါကြောင့် သူတို့ရဲ့ ဖျက်ဆီးအားက မသေးပါ။
(၂) ရောဂါပိုးတွေ သယ်ဆောင်တာ
ပိုးဟပ်တွေက ဘက်တီးရီးယား၊ ဗိုးရပ်စ်တွေအပြင် ကပ်ပါးပိုးတွေကိုပါ သယ်ဆောင် ဖြန့်ဝေပါတယ်။ လူတွေက ခြင်တို့ ကြွက်တို့ကို ကြောက်ကြပေမဲ့ ပိုးဟပ်ကိုတော့ လျှော့တွက်တတ်ကြပါတယ်။ ဒါပေမဲ့ ပြင်းထန်တဲ့အစာအဆိပ်သင့်ခြင်းတွေ အပါအဝင် ရောဂါများစွာကို ဖြစ်စေတဲ့ pest တွေ ဖြစ်ပါတယ်။
(၃) ပန်းနာရင်ကျပ်နဲ့ ဓာတ်မတည့်ရောဂါတွေကို ပိုဆိုးစေတာ
ပိုးဟပ်ရဲ့ ခန္ဓာကိုယ်ကထွက်တဲ့ ဆဲလ်အသေမှုန့်တွေ၊ တံတွေးတွေမှာ လူအများစုကို ဓာတ်မတည့်စေတဲ့ အာနိသင်ရှိလို့ ဒီလိုဓာတ်မတည့်သူတွေကို ပိုဆိုးလာစေတတ်ပါတယ်။
(၄) ဆေးတွေကို ခံနိုင်ရည်ရှိလာတာ
ပိုးဟတ်သတ်ဆေးတွေကို ပြင်းထန်တာတွေ သုံးတာ၊ ပမာဏများများ သုံးတာ စသဖြင့် စနစ်မကျဘဲ ထင်သလို နှိမ်နင်းကြလို့ ဒီလို ဆေးယဉ်ပါးပိုးဟပ်တွေ ဖြစ်လာတတ်ကြပါတယ်။ ဒီအခါမှာ နှိမ်နင်းရပိုခက်ပြီး ဒဏ်ပိုခံရတတ်လို့ စနစ်ကျတဲ့ Integrated Pest Management နဲ့သာ ကိုင်တွယ်ဖြေရှင်းရပါမယ်။
Copyright by Green Pest Management
